ياحيدر بباب الدار تسمع صرختي ووني ماتنهض تحاميني شنهو العوقك عني   انت الما تهاب الموت وحروبك فلا تنعد وبيك اهل السما تدري وكل اهل الارض تشهد خصمك يوصل لداري وبوجودك يدوس الحد يضرم على الباب النار وانت تشوف يا كرار جدامك يحامي الجار بين الباب والحايط قام النذل يعصرني   عصرني وهشم ضلوعي وصدري انعاب بالبسمار محسن سقط من عندي وانه اصرخ ابباب الدار دمي من الضلع يجري دمعي على اولدي عبار اصيحن والدمع سجاب يفضة الصدر مني انعاب محسن سقط يم الباب قومي لي يفضة بساع عن القاع شيلي ابني   عدمن اشتجي حالي وهضمي الي جرى عليه ضلعي الي قطع حيلي دمي اليكت جاريه ماني وديعة الهادي وانت تكفلت بيه جدامك يضربوني حتى اسودن متوني وما تنهض تقف دوني وانه عليك ادير العين جا شنهو العذر مني   الوجن من الم صدري وبيدي لازمه ضلوعي واعاين محسن بعيني وتجري لمحسن دموعي وانت بصارك مجتف ولا تنهض ترد روعي دمي يسيل من صدري ودمعي من الهضم يجري وانت يصير ما تدري هذا صواب البصدري ورضات الضلع ذني   غصبوا فدك من عندي بوجودك وهضموني وليهم رحت للمسجد اطالبهم وطردوني حتى من البجى بداري على المختار منعوني هذي هضمتي وذلي صبري عليهن تقلي والله الموت اهون لي ولا ذل من بعد عزي وسوط العبد يضربني   اذلن من بعد عزي وانت الي تعز الجار تجري دموع ويلادي ودموعي تهل اعبار للمسجد طلعت وياك من قادوك يا كرار يسيل من الضلع دمي واقومن واقع من همي اصيحن خلوا بن عمي جدامك يرد ليه وعلى العين يسطرني   قالوا تون ليل نهار واحنا لصوتها نسمع لوعن المدينة تشيل لومن نوحها تهجع قمت اخذ حسن وحسين بيدي وللبقيع اطلع اتفيه بذره الشجرة واجري على النبي العبرة من ضلعي ومن كسره طلعوا قطعوا الشجرة جي لنها تظللني   روحي من الهضم خلصت وعمري اليوم تاليه اريد الحق بابويه اليوم واحجي له شجرى عليه لاجني اريد اوصيك يابا الحسن بوصية عدوانك الهضموني ماريدن يحضروني ولقبري يشيعوني غسلني بظلام الليل يا كرار وادفني