يالأربعة الطيبين ....... ودعوني ودعوني
خل يظل يمي حسين ........ بعيوني يعيوني

عهدي وارسمه........ للزهرة أمه .....غالي وأضمه......... بعيوني بعيوني

يا ما سهر عانيت عكب التعب ربيت أربع غوالب
بشوفتهم اتهنيت صاروا الي بهل البيت مثل الكواكب
بكل شده ما حسيت بالاربعة اتسميت أم الأطايب
بالرحلة حين دريت بلهفة قلب ناديت الهم اخاطب

ام البنين الناس........ سموني سموني
عينتكم العباس......... مضموني مضموني

لو ناشدوكم..... حيدر أبوكم ..... وحسين أخوكم ..... بعيوني بعيوني

والدكم الكرار ذاك حامي الجار يوم الشدايد
بيكم ترك آثار يالأربعة الأقمار ما مثله والد
موعد سفركم صار هذا الضعن شال للكوفة راشد
وريحانة المختار خلوا اله بهالدار دلاله رايد

توفيني حق رباي ...... توفيني توفيني
وحسين أريده وياي ...... عيفوني عيفوني

تصعب فركته... ويايه ردته.... وآنه الحفظتة....... بعيوني بعيوني

ميهمني من ترحون وبهالضعن تمشون واضح عزمكم
آنه اعرف اتأدوه حق الربه اتوافوه وأعرف شيمكم
يتحقق المضمون يولادي من تنطون بالحومة دمكم
سبط الرسول شلون يفاركني ما ترضون لا ترضه أمكم

ما أكدر بلاياه........ تدروني تدروني
يصعب علي فركاه......... تاذوني تاذوني

طيبة خصالة.... ما صح مثاله.... ساكن خياله..... بعيوني بعيوني

شدت ضعنهه القول يولادي وآنه اليوم عندي وصيه
عدكم عهد مرسوم للخالق القيوم رب البرية
منكم تسيل دموم الكم تطيح جسوم بالغاضرية
لو رحتوا قلبي يحوم بس فركت المظلوم تصعب عليه

لو يمي خليتوه....... تحيوني تحيوني
وبكل سهم يرموه........ يرموني يرموني

تسعر جمرتي.... تحرق مهجتي..... وتظل دمعتي..... بعيوني بعيوني

هذا السبط لو راح أحمل غصص وجراح لو عني ابعد
ويبقه الدمع نضاح وهمومي ما تنزاح والمحنة تشهد
ناعي الأجل لو صاح واخبرني بالطف طاح مهجة محمد
ولو دم اخوكم ساح اقضي العمر بنياح والباري يشهد

اتمنه بالأشفار........ وذروني وذروني
ولا استمع اخبار........ يلفوني يلفوني

لو عنه اسمع.... بالطف تقطع..... دم نحره ينبع...... بعيوني بعيوني

حادي الضعن لو راد يمشي وعلى الميعاد يرسي ضعنكم
يالاربعة الأولاد ليروح ابو السجاد اترجه منكم
خوفي الشمل ينباد وطبرة علي تنعاد بحزني وحزنكم
خل توقع الاجساد ميهم سيوف زياد لو وذرنكم

صرت اشعر باخطار........ صبروني صبروني
وبضنوة المختار......... راعوني راعوني

جم دوب اعاني.... محنة زماني سهمه رماني .....بعيوني بعيوني