الاهي حزينة وبسم اولادي الاهي ولا لحظة الفكر الاهي رفعت ايدي وينك الهي اريد ترد غريب الدار اليه   الهي الهي باسمك الاعظم واسراره الهي الهي رد غريب الدار لدياره يارب مو بس بنيني اريد الكل تجيني   مشت عيس النبوة وصفوة الله محامل عن وطنها حسين الوحي واهل البيت وياه قرائين بضعنها مشوا واستسلمت للويل والاه كظت روحي بحزنها قلت ماعندي غير الباري انخاه بدعا الام لابنها   نخيتك نخيتك نخوة ام مكسورة الخاطر دعيتك دعيتك دعوة الفكدت ضوه الناظر   قبل ما تعمى عيني اريد الكل تجيني   فلا خاب اليلوذ ويعتصم بيك الدخل حصنك يأمن بفضل اسماءك الحسنى اناديك العرف حقهن يثمن القدوس السلام الملك ادريك المؤمن والمهيمن بمناجاة الدمع انحب واناجيك دمع للهم يبرهن   حسرتي حسرتي وونتي على حسين وعياله دمعتي دمعتي تجري لمن اذكر اطفاله   سبب دمعي وحنيني اريد الكل تجيني   الودود الباعث الباسط يا قيوم يا باطن يا ظاهر يارزاق ارزقني الصبر دوم واجعل قلبي صابر يا قهار اعيش بقهر وهموم لقدوم حسين اناطر يا جبار اجبر خاطري اليوم صعب كسر الخواطر   نياحي نياحي على العزيز المشى وخلاني جراحي جراحي تراكمن واحد على الثاني   اريد اقطع ونيني اريد الكل تجيني   المعيد الولي الوهاب المقدم العظيم القوي الرافع ياحي ياعليم بحالي تعلم وانت الغني النافع سميع وتسمتع صرخات بالهم اصيح وجفني دامع بصير انت وتشوف امواج من دم تفجرها المصارع   خيالي خيالي يرسم الاجساد مرميه ليالي ليالي اسهر واتنطر الجيه   شملهم يعتني لي اريد الكل تجيني   الحسيب المبدي والغفار انت يمن للكون باري حفيظ وتدري بالهم الحملته حزينة ودمعي جاري حبيب الزهرة بدموعي انتظرته جزع مني انتظاري الهي ولوعة الليل السهرته مثل لوعة نهاري   اعاين اعاين بالشمس ريحانة الهادي واقارن واقارن هالكواكب اذكر اولادي   صحت يمسهريني اريد الكل تجيني   المجيب الوارث الخالق الرحمن الك ارفع اديه احفط عترة الهادي يديان من شر البلية نذر انذر اذا رجعوا للاوطان نذر واجب عليه ازرعنه ورد وامليه ريحان طريق الغاضرية   شجوني شجوني على المشوا قلبي تمناهم يجوني يجوني وقبل موتي اقعد وياهم   يربي وقبل حيني اريد الكل تجيني