رايح حبيبي وبعد متشوفك عيوني ... وشلون أشوفك اذا منك يحرموني يا نجمة سهيل مكانك بالسمه خالي ... من ينقضي الليل ادفنك بيدي يالغالي رايح حبيبي .................................. الحبيب انته الحبيب العايش بدمي ... بكثر ما الهج ابإسمك نسيت اسمي من اشوفك يالحسن ينزال كل همي ... مثل ظلك جنت وياك يبن أمي الليلة يمي باجر انته مو يمي ... أدفنك بيدي ياريت اندفن جسمي شمعة حياتي بوجودك تزهي خليهه ... ارحم عظيدك حبيبي لا تطفيها يا شمعة البيت وسافة تنطفي تالي ... من ينكضي الليل أدفنك بيدي يالغالي ................ يريحانة وجودي ويا نجم سعدي ... أخوك احسين آنه وغيرك اشعندي محبتي وياك من دور المهد تبدي ... من أشوفك انسه كل كومي وأهل ودي وحين الموت أخذ روح النبي جدي ... اكعدت يمي ومسحت دموعي من خدي يالماعفتني ولا لحظة القلب عافك ... لمن أشوفك أشوف الهادي بأوصافك ما حاسب حساب فركتك ما تجي ببالي ... من ينكضي الليل أدفنك بيدي يالغالي .................................. مصيبة فاطمة أمنه وهجوم الدار ... جنت انته الشريك بحزني والأكدار اعله جثة أمنه من طحنه ذكرت اشصار ... سمعنه السمه بصوت اتصيح يا كرار يا حيدر نحي أولادك يا حامي الجار ... عليهم هلت أملاك السمه الأعبار من شاركتني بمصيبة فاطمة وحدك ... ومنهو اليشارك دليلي بنايبة فكدك أتمنه هالموت اشوفك عايش بدالي ... من ينكضي الليل أدفنك بيدي يالغالي ...................................... رسول الله بدمعنه اليجري فاركناه .... نعش أمنه الوديعة بحزن شيعناه وأبونه المرتضى بمحرابه شاهدناه ... يلوج بطبرته وشيبه انخضب بدماه حملناه اعلى جفين الوفه وشلناه ... جنت آنه بيسارة وانته عن يمناه وحدك عضيدي وتعاهدني على سنيني ... بفراك أبونه أشوفك حيدر بعيني إلمن يمسموم أروحن أشتكي حالي ... من ينكضي الليل ادفنك بيدي يالغالي ................................. جنت انته الجبل واتلاوذ بسدك ... بعد بيمن ألوذن يالحسن بعدك يريت السم فطر جبدي كبل جبدك ... حفر لحدي الممات ولا حفر لحدك اذا عني رحلت يبن أمي شيردك ... اذا عني غبت شترجه من عندك من فاركتني وخذت قلبي وخذت روحي ... بيمن أهود بعد آلامي وجروحي ياللوعة ومصاب بدت هالليلة تبرلالي ... من ينكضي الليل أدفنك بيدي يالغالي ............................. أعون بصبر قلبي واحتمي بجدواي ... وألوذ بديرتك يالحين واترجاك الموت الراد روحك لا تكله هاك .... دخيل الله دخيلك من هضم فركاك اذا شفت القبر ضم جسمك وواراك ... أريد بكبرك أسكن وأندفن وياك أتمنى موتي ولا هالدنيه يبن أمي ... شلي بحياتي وحبيب القلب مو يمي من أسمع الموت يصيح وصوته أوحالي ... من ينكضي الليل أدفنك بيدي يالغالي ............................