|
|
 |
ابت شمس العزة والايثار ......... ماتت أم الاربعة الأقمار
نار بين الأضلاع ........ ولهذا صاح الناعي
صبح يوم الحزن والهم ويوم النايبات اليوم
أشاهد فارس الآجال يجول بساعة المحتوم
تشخصلي شبح للموت أشوفه على المدينة يحوم
خطف أكثر نفس صبرت وحملت بالزمان هموم
هذا يوم اللوعة والأكدار
يوم شجوني وضياعي.....ولهذا صاح الناعي
ماتت أم الأربعة الأقمار
جانت مسعده وجانوا اشلون أربع زلم عدهه
عكبهم ظلت تشاكف مرامي النايبة بيدهه
دهاويل الدهر عاشت بيابي الموت ترصدهه
وحين اللي اجاها الموت لكاها تعيش وحدهه
بئس الظيم الموت أتى للدار
يمشي مشية خداع.......ولهذا صاح الناعي
ماتت أم الأربعة الأقمار
عرفها الموت وتعرفه هاي المعرفة من سنين
فجعها وأخذ من عدهه ولدها الأربعة الطيبين
واجاها اعلى الوعد هاليوم تعناها أبو الميتين
تلاكت بالمدينة وياه ملكى النحر والسجين
حين أتاها اليوم أبو الاقدار
قلبت كل الأوضاع........ولهذا صاح الناعي
ماتت أم الأربعة الأقمار
اجاها الموت أبو المحتوم اجل ياخذ أرواح الناس
قبل ما يغزي مهجتها وقبل ما توقف الأنفاس
بجت واتذكرت بالطف وبالموت الأخذ عباس
قمرها اتذكرت والنوح حركها من الجدم للراس
هاجت في القلب براكين النار
ذهبت من غير وداع......ولهذا صاح الناعي
لمن ذكرت العباس عليها الموت الأسود هان
صاحت مرحبا يا موت أخذني وياك للخلان
أريد أتعنه للعباس اشتاقيت لقمر عدنان
أريد أقصد لعبد الله وابني جعفر وعثمان
أبكي والأدمع تجري أنهار
بذلت للموت مساعي.....ولهذا صاح الناعي
ماتت أم الأربعة الأقمار
ولتها ذكريات الطف شكثر بيها الحزن أثر
تعالج على فراش الموت وبالأولاد تتذكر
يا عباس يا عثمان يا عبد الله يا جعفر
ويه كل اسم شهكة يسايرها الجمر يسعر
ماتت بين الجمرة والأعبار
فتحت كل الأسماع....ولهذا صاح الناعي
ماتت أم الأربعة الأقمار |
|
 |
|
|
|
What do you think of The new Album Al Mahkama
| Excellent |
40% |
 |
| Good |
45% |
|
| Satisfying |
12,5% |
|
| Nothing Special |
2,5% |
|
| Poor |
0% |
|
40 Total votes
|
|
|
This site is dedicated to Sayyed Mohammed Ali Nasralla (ra)
Please Recite Suratul Fatiha.
اهداء هذا الموقع الى جدي المرحوم السيد خادم العباس محمد علي عبد آل نصرالله (قس)
الرجاء قراة سورة الفاتحة |
|
|
 |
|
| |
|
|
